Турските сили во Ирак неутрализираа еден од водачите на ПКК, баран и од Интерпол

АНКАРА (АА) - Турските безбедносни сили неутрализираа еден од најбараните терористи на ПКК во операција што е извршена во ирачкиот регион Синџар, јавува Агенција Анадолија (АА).

Турските вооружени сили во соработка со турската Национална разузнавачка служба (МИТ) извршија успешна операција во Синџар и го неутрализираа терористот Јахја Думан, за кој беше распишана и меѓународна потерница на Интерпол.

Неутрализираниот терорист го користел и кодното име „Сабри Тори“ и бил водач на ПКК во т.н. терористичка покраина Махмур-Киркук.

Станува збор за терорист кој во редовите на ПКК пристапил во 1993 година, а во 2016 година бил главен виновник за терористичкиот напад врз полициската станица во турскиот град Мардин. Тој бил тренер во терористичките кампови во Ирак, а од минатата година беше и еден од водечките терористи на ПКК во Ирак.

ПКК е сепаратистичка организација којашто се наоѓа на листата терористички организации на Турција, Европската Унија (ЕУ) и Соединетите Американски Држави (САД). За време на тридецениската терористичка кампања против Турција, терористите на ПКК убија најмалку 40.000 луѓе.