Турција: Спасени 35 мигранти во Егејското море

АНКАРА

Турската крајбрежна стража денес спаси 35 нерегуларни мигранти кои беа истуркани од грчките погранични сили назад во турските територијални води во Егејското море, јавува Агенција Анадолија (АА).

Нерегуларните мигранти се спасени од гумен чамец на брегот Ајвалик во турската северозападна област Баликесир, се соопштува од Командата на турската крајбрежна стража.

Групата нерегуларни мигранти, вклучувајќи жени и деца, беа донесени на островот Алибеј, исто така познат како Џунда, се вели во соопштението.

Се додава дека на нерегуларните мигранти им биле обезбедени храна, пијалоци и медицински материјали.

Турција е клучна транзитна рута за мигрантите кои сакаат да стигнат во Европа за да започнат нов живот, особено оние што бегаат од војна и прогон.