Fitch: Pandemia çoi në falimentime në sektorin e energjisë

Pandemia e koronavirusit (COVID-19) ka çuar në një numër të madh falimentimesh në sektorin e energjisë, sipas Fitch Ratings, transmeton Anadolu Agency (AA).

Kërkesa e dobët e naftës dhe gazit natyror në periudhën e hershme të pandemisë çoi në uljen e çmimeve, duke shkaktuar ngritjen e kërkesave të falimentimit, tha agjencia globale e vlerësimit në një raport.

"Disa parashtrues kërkesash ishin duke luftuar për shumë vite që nga rëniet e mëparshme të çmimit në tregun e naftës", tha drejtori i Fitch, Judah Gross, në raport.

"Mungesat e vazhdueshme e parave të gatshme u rritën nga shkurtimet historike të lidhura me pandeminë e koronavirusit për benzinë dhe karburantet e aeroplanëve, dhe rënia e çmimeve të tregut. Të tjerët nuk ishin në gjendje të rifinanconin ose të shlyenin afatet në pritje", shtoi Gross.

Menjëherë pas masave të karantinës globale, çmimet standarde të naftës Brent ranë nën 16 dollarë për fuçi më 22 prill 2020, sipas shifrave zyrtare.

Ndërsa vaksinimi dhe normalizimi i shpejtë në mbarë botën rriti kërkesën globale të naftës, çmimi i naftës së papërpunuar Brent u rrit mbi 77 dollarë për fuçi më 5 korrik të këtij viti.