Rritet shkalla e inflacionit në BE

Çmimet e konsumit në Bashkimin Evropian në gusht ishin 3.2 për qind, nga 2.5 për qind në korrik, që është më e lartë nga objektivat e Bankës Qendrore Evropiane (BQE) prej 2 për qind, njoftoi sot Zyra e statistikave të bllokut, transmeton Anadolu Agency (AA).

Një vit më parë, norma ishte 0.4 për qind, tha Eurostat.

Ndër përbërësit kryesorë të inflacionit të Eurozonës, kontributi më i lartë në normën vjetore të inflacionit në zonën e euros erdhi nga energjia (1.44 pikë përqindje), e ndjekur nga mallrat industriale joenergjetike (0.65 pikë përqindje) dhe ushqimi, alkooli, duhani dhe shërbimet (që të dyja 0.43 pikë përqindje).

Krahasuar me korrikun, inflacioni vjetor mbeti i qëndrueshëm në një shtet anëtar dhe u rrit në 26 të tjerë.

Normat më të ulëta vjetore u regjistruan në Maltë (0.4 për qind), Greqi (1.2 për qind) dhe Portugali (1.3 për qind) ndërsa shifrat më të larta u shënuan në Estoni, Lituani dhe Poloni (të gjitha 5.0 për qind).

Presidentja e BQE-së, Christine Lagarde të enjten tha se ekonomia e Eurozonës po rimëkëmbet më shpejt nga sa pritej nga pandemia e koronavirusit (COVID-19) në mes të vaksinimit të shpejtë, i cili mundësoi rihapjen e shumicës së sektorëve të ekonomisë.

BQE më parë tha se gjykonte se përparimi i realizuar në inflacionin bazë është avancuar mjaftueshëm për të qenë në përputhje me inflacionin e stabilizuar të 2 për qind në periudhën afatmesme.

"Kjo gjithashtu mund të nënkuptojë një periudhë kalimtare në të cilën inflacioni është mesatarisht mbi objektivin", shtoi ajo.