Zvicra rrit normat e interesit në mes të krizës bankare

Banka Qendrore Zvicerane rriti normën e saj të interesit me 50 pikë bazë në 1.5 për qind të enjten mes shqetësimeve që janë shfaqur në sektorin bankar, raporton Anadolu.

Rritja e katërt radhazi synon luftimin e presionit të vazhdueshëm inflacionist, thuhet në deklaratën e Bankës Kombëtare të Zvicrës, duke rikujtuar se norma vjetore e inflacionit ishte 3.4 për qind në shkurt.

Ndërsa kolapsi i huadhënësit zviceran Credit Suisse shkaktoi valë tronditëse në tregjet financiare globale, rivali i saj UBS njoftoi se do të blinte Credit Suisse për 3 miliardë franga (3.24 miliardë dollarë) me mbështetjen e qeverisë.

Për t'u përballur me krizën financiare, Banka Qendrore po siguron sasi të mëdha likuiditeti në franga zvicerane dhe valuta të huaja, thuhet në deklaratë.