Tusk: E ardhmja euro-atlantike e Maqedonisë është vënë në rrezik

BRUKSEL (AA) - Presidenti i Këshillit Evropian, Donald Tusk, ka paralajmëruar sot Maqedoninë të mos lejojë që kriza politike e cila ka përfshirë vendin të rrezikojë lidhjet e saj me Bashkimin Evropian dhe me NATO-n, transmeton Anadolu Agency (AA).

Sipas tij, Evropa ka nevojë për një Maqedoni të qëndrueshme dhe të udhëhequr nga sundimi i ligjit. "E ardhmja euro-atlantike e vendit është vënë në rrezik," shkroi në Twitter presidenti i Këshillit Evorpian.

Republika e Maqedonisë është vënë në shënjestër të kritikave ndërkombëtare si pasojë e një vendimi të presidentit të vendit, Gjorgje Ivanov për të falur mbi 50 politikanë dhe zyrtarë të tjerë shtetëror nga ndjekja penale.

Kjo ka rezultuar me protesta në rrugët e kryeqendrës së Maqedonisë, Shkupi, ku protestuesit kërkojnë dorëheqjen e presidentit.