Kina dërgon në hapësirë një grup satelitësh të internetit

Kina ka lëshuar një raketë bartëse "Long March 12" për të dërguar në hapësirë një grup satelitësh të internetit, raportuan mediat shtetërore, transmeton Anadolu.

Raketa u lëshua nga një qendër komerciale e nisjes së anijeve kozmike në provincën ishullore jugore Hainan, raportoi agjencia kineze e lajmeve Xinhua me seli në Pekin.

Raketa u ngrit në orën 10:44 me kohën e Pekinit dhe vendosi me sukses ngarkesën në orbitën e paracaktuar.

Ky lëshim shënon grupin e 22-të të satelitëve të internetit në orbitën e ulët të Tokës, të vendosur si pjesë e përpjekjeve të vendit për të ndërtuar një rrjet global satelitor të internetit, me synim zgjerimin e mbulimit me internet me brez të gjerë dhe konkurrimin me konstelacionet komerciale të satelitëve.