"Rrufeja më e gjatë në botë deri më tani ishte 709 kilometra"

Organizata Botërore e Metereologjisë (WMO) njoftoi se rrufeja më e gjatë e regjistruar deri më tani në botë është 709 kilometra, transmeton Anadolu Agency (AA).

WMO tha se rrufeja më e gjatë në botë është regjistruar më 31 tetor 2018 në Brazil dhe ishte 709 kilometra horizontalisht, sipas matjeve të kryera duke përdorur teknologjinë e re satelitore për pamje të rrufeve.

Në deklaratë bëhet e ditur se rrufeja që ndodhi më 4 mars 2019 në Argjentinë ka zgjatur 16.73 sekonda dhe se kjo është rrufeja me kohën më të gjatë të regjistruar deri më tani.

Kryeraportuesi nga komiteti i ekspertëve të WMO-së, Randall Cerveny tha se "Matjet e reja zbuluan rekorde të reja tek rrufetë. Mendoj se do të kapim shifra shumë më të mëdha me zhvillimin e teknologjisë për regjistrimin e rrufesë".