ANKARA (AA) – Koncerti i fundjavës i pianistit të shquar turk Fazıl Say që u mbajt në Ankara, tërhoqi vëmendjën e shumë figurave të shquara, në mesin e të cilëve gjendej edhe presidenti turk Reccep Tayyip Erdoğan dhe senatori amerikan Lindsey Graham, raporton Anadolu Agency (AA).
Performanca e Sonatës së Trojës dhe kompozimeve të tjera nga pianisti Say u duartrokit nga publiku, ku ishte edhe presidenti turk Erdoğan, i cili foli fjalë miradie për koncertin.
Ai tha se shpreson të shohë pianistin duke bërë më shumë koncerte në Ankara dhe Stamboll.
%2F20190118_2_34493572_40877785.jpg)
Pas takimit që kishte të shtunën me Erdoğanin, senatori amerikan Lindsey Graham e përshkroi koncertin e Say duke thënë se është "një nga përvojat më të mëdha të jetës së tij”.
Graham ishte i ftuar special i presidentit për evenimentin në fjalë.
Pjesë e koncertit gala ishin edhe zonja e parë, Emine Erdoğan, nënpresidenti Fuat Oktay, ministri i Jashtëm, Mevlüt Çavusoglu, ministri i Mbrojtjes, Hulusi Akar, dhe zëdhënësi presidencial İbrahim Kalın.
