Sena Güler
09 dhjetor 2020•Përditësim: 09 dhjetor 2020
Të paktën 65 artefakte historike janë sekuestruar sot në një operacion anti-kontrabandë në Turqinë perëndimore, transmeton Anadolu Agency (AA).
Ekipet e xhandarmërisë në provincën e Izmirit mësuan se një i dyshuar, i identifikuar me inicialet C.O, po udhëtonte nga Manisa, provincë tjetër perëndimore, në Izmir me një automjeti për të shitur artefaktet historike që kishte, bëri të ditur një burim në kushte anonimiteti.
Ekipet ndaluan automjetin në rrethin Kemalpasa të Izmirit dhe gjetën 63 monedha, një unazë dhe një kafshë me figura të objektit nga periudhat helenistike dhe romake.
Procedurat ligjore kanë filluar kundër atyre në automjet, të identifikuar si C.O., Y.A., dhe S.B., shtoi burimi.
Artefaktet do t'u dorëzohen autoriteteve lokale të muzeut, thuhet më tej.
Turqia e sotme moderne ka qenë shtëpi e shumë civilizimeve antike, dhe kështu, është e pasur me relikte. Kjo ka tërhequr kontrabandistë të cilët shpesh plaçkitin varret dhe vendet e tjera arkeologjike.
