Ushtria turke sulme ndaj objektivave të DAESH-it

ANKARA (AA) - Shtabi i Përgjithshëm i Turqisë ka njoftuar se bashkë me avionët e koalicionit kanë kryer 11 sulme ajrore, kanë qëlluar me 233 topa Fırtına, me 40 multi raketa hedhëse dhe me katër tanke objektivat e DAESH-it të cilët ditën e djeshme nga Siria kryen sulme me raketa dhe topa ndaj dy stacioneve në kufi si dhe ndaj rajonit Elbeyli në qytetin Kilis të Turqisë, raporton Anadolu Agency (AA).

Si rezultat i të shtënave dhe të ofensivës ajrore theksohet se janë vrarë 104 terroristë të organizatës terroriste DAESH si dhe janë shkatërruar 7 ndërtesa që përdoreshin si baza nga organizata.