Ersin Tatar bû serokomarê nû yê KKTCê

Li Komara Tirkî ya Qibrisa Bakur (KKTC) di tura duyemîn a hilbijartina serokomariyê de li gorî encamên nefermî namzêdê Partiya Yekîtiya Neteweyî (UBP) Ersin Tatar bi sitendina ji sedî 51,74ê dengan weke serokomar hat hilbijartin.

Li KKTCê di tura duyemîn a hilbijartina serokomariyê de, Ersîn Tatarê Serokwezîr û namzêdê Partiya Yekîtiya Neteweyî (UBP) û namzêdê serbixwe Mustafa Akinci pêşbirk kirin.

11ê cotmehê di tura yekemîn a hilbijartinê de Tatar bi sitendina ji sedî 32,34ê dengan bûbû yekemîn û Akinci jî bi sitendina ji sedî 29,80ê dengan bûbû duyemîn.

Dê li KKTCê qedexeya hilbijartinê piştî saet 19.00ê rabe.

Gelê Tirk ê Qibrisê ji sala 1974an ve cara 10an ji bo hilbijartina serokomar çûn ser sindoqan.

199 hezar û 29 dengdêrên tomarkirî di 738 sindoq

- Serokomar Erdogan pîrozbahî li Tatarê ku weke Serokomarê KKTCê hat hilbijartin, kir

Serokomar Erdogan, li ser hesabê xwe yê Twitterê derbarê hilbijartina KKTCê wiha got, "Ez li ser navê xwe û gelê Tirkî pîrozbahiyê li Cenabê Ersin Tatarê ku weke Serokomarê KKTCê hat hilbijartin, dikim. Tirkiye ji bo parastina heq û hiqûqê gelê Tirk ê Qibrisê dê di hemî hewlên xwe de berdewam be."