Hemas û Feth gihîştin rêkeftinê

GAZZE

Serokê Buroya Siyasî ya Hemasê Îsmaîl Heniyye, ragihand ku Hemas û Feth di hevdîtinên li Qahîreya paytextê Misirê de gihîştin rêkeftinê.

Şêwirmendê ragihandinê yê Heniyye Tahir En-Nûnû, daxuyaniyek nivîskî weşand û diyar kir ku, "Heniyye, radigihîne ku Hemas û Feth bi navbeynkariya Misirê serê sibehê gihîştin rêkeftinê."

Nûnû der barê hûrgiliyên mijarê de agahî nedan.

Çavkaniyên Filîstînê jî diyar kirin ku dê Feth û Hemas dor nîvro li ser hûrgiliyên rêkeftinê civîneke çapemeniyê li dar bixin.

Hevdîtinên ji bo lihevkirinê bi navbeynkariya Misirê sêşema borî dest pê kiribûn.