Konsolosxaneya Ciddeyê ya Îranê piştî 7 salan dîsa hat vekirin

Konsolxaneya Ciddeyê ya Îranê ya li Erebistana Siûdî û Nûnertiya Daîmî ya Îranê ya Teşkîlata Hevkariya Îslamê (THÎ) piştî 7 salan dîsa hat vekirin.

Li gor nûçeya ajansa nûçeyan ya fermî ya Îranê IRNAyê, rayedarên her du welatan beşdarî merasima vekirina Konsolosxaneya Ciddeyê û Nûnertiya Daîmî ya THÎyê bûn.

Balyozxaneya Riyadê ya Îranê di 6ê hezîranê da bi fermî hatibû vekirin û piştî vê Konsolosxaneya Ciddeyê û Nûnertiya Daîmî ya Îranê ya Teşkîlata Hevkariya Îslamê jî cardin hatin vekirin.

- Têkiliya di navbera her du welatan da

Li Erebistana Siûdî di 2yê Çileya paşîn a 2016yan da 47 kes ji ber sûcdarkirina terorê hatibûn îdamkirin û Îranê bertek nîşan dabû.

Xwepêşandêrên li Îranê Balyozxaneya Tehranê ya Erebistana Siûdî û Konsolosxaneya Meşhedê şewitandibûn.

Piştî van êrîşan Erebistana Siûdî di 3yê çileya paşîn da daxuyandibû ku têkiliyên bi Îranê ra hatin qûtkirin.

Di 10ê adarê da piştî 7 salan li Pekînê rêvebiriyên Riyad û Tehranê daxuyandibûn ku têkilî wê dîsa bên danîn.