Fatih Gazioğlu
22 Mijdar 2018•Rojanekirin: 23 Mijdar 2018
RAÎ/ANKARA
Artêşa Azad a Sûriyeyê (AAS) li Raiya bajeroka Sûriyeyê operasyon birin ser komên çetetiyê dikin. Di operasyonê da 40 endamên çeteyan û gelek çekên wan hatin girtin.
Li gor agahiyên ji çavkaniyên ewlekariyê hatin sitandin, Artêşa Azad a Sûriyeyê (AAS) li Raiya bajeroka Sûriyeyê ya ku dikeve hemberî Elbeyliya navçeya Kilîsê, dijî çeteyên ku gel aciz dikin û çetetiyê dikin operasyon kir.
Di operasyonê da Ebu Cewad Xarbî û Ebu Sedamê serokên çeteyan jî di nav de bi tevahî 40 kes hatin binçavkirin.
AASê dest hilda ser çekên çeteyan û ciyên wan ên ku wek navend bikartanîn jî hildan bin kontrola xwe.
Artêşa Azad a Sûriyeyê duh û pêr jî li bajarê Efrîn û Babê jî operasyon kiribû û gelek endamên çeteyan bi çekên wan ve girtibûn.
