Li Îranê di 24 saetên dawîn da 116 kes ji ber Kovîd-19ê mirin

Li Îranê di 24 saetên dawîn da hejmara kesên ji ber vîrusa koronayê ya tîpa nû (Kovîd-19) mirin 116 zêde bû û derket 9 hezar û 623 kesan.

Sîma Sadat Lariya Berdevka Wezareta Tenduristiyê diyar kir ku di 24 saetên dawîn da li welêt 116 kes ji ber Kovîd-19ê mirin, 2 hezar û 368 kesên din jî bi vîrusê ketin.

Lariyê destnîşan kir ku hejmara miriyan derket 9 hezar û 623 kesan, hejmara pêketiyan jî derket 204 hezar û 952 kesan.

Berdevk Lariyê got ku rewşa 2 hezar û 887 nexweşan giran e, hetanî niha 163 hezar û 591 kes baş bûn û çûn malên xwe.

Lariyê diyar kir ku hetanî nika milyonek û 395 hezar û 675 test hatin kirin.

Berdevka Wezareta Tenduristiyê destnîşan kir ku xêncî Xuzistanê, Hurmuzgan, Kirmanşah, Azerbeycana Rojhilat, Sîstan-Belucîstan di nav herêmên xeternak da ne.

Li Îranê cara ewil di 19ê sibatê da li Qûmê nexweşê Kovîd-19ê hatibû tesbîtkirin.