Mijara ku TOTALê li Îranê ji peymanê vekişe

ÎSTANBUL

Wezîrê Neftê yê Îranê Bîjen Namdar Zengene ragihand ku Şirketa Neftê ya Fransî TOTAL heger ji peymana pêşxistina qonaxa 11emîn a qada xaza siruştî Parsa Başûr vekişe, ew ê ligel Şirketa Neteweyî ya Neftê ya Çînê (CNPC) pêvajoyê bidomînin.

Li gorî Ajansa Nûçeyan Tesnîmê, Zengene der heqê daxuyaniya TOTALê ya ku heger ji Amerîkayê belgeya muefiyeta ji astengiyan nestîne, ew ê ji peymana pêşxistina qonaxa 11emîn a qada xaza siruştî Parsa Başûr vekişe da wiha got, "Heger TOTAL vekişe, CNPC wê bikeve şûna wê."

Zengene destnîşan kir ku li gorî peymanê, TOTAL heger ji peymanê vekişe, mecbûr nîne ku tezmînatê bide û wiha dewam kir, "Heger CNPC jî vekişe, wê demê em ê bi şirketa Îran Petro Parsê ra dewam bikin."

TOTAL û hevkarên wê yên projeyê Îran Petro Pars û Şirketa Neteweyî ya Neftê ya Çînê (CNPC) par di tîrmehê da ligel Wezareta Neftê ya Îranê peymaneke 20 salan a bi 4 milyar û 200 milyon ewroyî îmze kiribûn.