Mîstûra: Li Xûtaya Rojhilat agirbest hat ragihandin

CENEVRE

Nûnerê Taybet ê Neteweyên Yekbûyî ji bo Sûriyê Staffan de Mîstûra, diyar kir ku li Xûtaya Rojhilat agirbest hat ragihandin.

Mîstûra, digel heyeta Komîteya Bilind a Muzakereyê ku muxalifên Sûriyê di bin banê wê de cih digirin qederê 2 seetan civîn kir.

Piştî civînê Mîstûra daxuyaniyê da rojnamevanan û got serê sibejê digel nûnerên 5 welatên endamên daîmî yên Neteweyên Yekbûyî Amerîka, Çîn, Ingîltere, Fransa û Rûsyayê re axiviye.

Li ser pirseke der barê Xûtaya Rojhilat de jî Mîstûra wiha cewab da:

"Îro di civîna bi 5 welatan re de Rûsyayê ji min re got me ji bo Xûtaya Rojhilat agirbest teklîfî rejimê kiriye û rejimê jî ev qebûl kiriye. Lewra em di vê mijarê gelekî bifikar in. Emê bibînin bê ka ev dê bicih were yan na."

Mîstûra herwiha got ragihandina agirbestê ne tesadufen e û beriya tûra 8emîn ev teklîf hatiye kirin û qebûl bûye.

Mîstûra wek din destnîşan kir ku li ser encama tûra 8emîn bitevdîr hereket dikin û dê ji bo rejim û muxalefetê hevdîtina yekser teklîf bikin.