NYyê artêşa Myanmarê şermezar kir ku dest danî ser rêveberiyê

Sekreterê Giştî yê Neteweyên Yekbûyî (NY) Antonio Guterres ew yek bi denyekî bilind şermezar kir ku li Myanmarê artêşê dest danî ser rêveberiyê û karbidestên hikûmeta sivîl destgîr kirin.

Guterres di daxuyaniya xwe ya ku bi rêya berdevkê xwe Stephane Dujarric kir da diyar kir, ew ji ber wê yekê zehf bi fikar e ku li Myanmarê artêşê dest danî ser hemû erkên qanûnçêkirin, birêvabirin û darazê.

Guterres destnîşan kir, vê yekê derbeyeke cidî li reformên demokratîk ên li Myanmarê xist û her wisa ji hêla artêşê binçavkirina Serokê Dewletê Win Myint û Serokê Konseya Dewletê û Wezîrê Karên Derva Aung San Suu Çii bi awayekî bideng şermezar kir.

Guterres bangî artêşa Myanmarê kir ku rêzê nîşanî encamên hilbijartina 8ê Mijdara 2020î û normên demokratîk bide û her wisa bal kişand ku nêrînên cuda divê bi rêya aştiyê, ji tundiyê dûr û di çarçoveya rêznîşandana ji bo mafên mirovan û azadiyên bingehîn da bên çareserkirin.

Artêşa Myanmarê piştî îdiayên ku di hilbijartina 8ê Mijdara 2020î da hîle hat kirin, ragihandibû ku ji bo salekê dest danî ser rêveberiya welêt.