Li Şanliurfayê heywandar ji ber hişkayiyê bifikar in

ŞANLIURFA

Heywandarên li Şanliurfayê ji ber ku zêde baran tuneye ji bona hişkayiyê bifikar in.

Li Şanliurfaya ku piraniya welatiyan debara xwe bi çandinî û heywandariyê dikin ji ber ku zêde baran tuneye zeviyên çandiniyê û çêre zirareke mezin dibînin.

Heywandar bifikar in ku ji ber hişkayiyê bihayê yêm zêde bibe û hêvî dikin ku baran bibare.

Mahsun Agayê li taxa Golgenê ya navçeya Karakopriyê heywandariyê dike daxuyanî da nûçegihanê AAyê û destnîşan kir ji ber ku îsal baran tuneye çêre şîn nabin.

Aga diyar kir heger di biharê da jî baran nebare wê îsal hişkayî çêbe û wiha got: "Heywanên me diçêrin, lê îsal baran zêde tuneye û çêre çênebûn. Wexta çêre tunebe em jî yêm didin heywanan, lê em her dem nikarin. Niha jî bihayê ceh û genim zêde ye. Hişkayî çêbe wê çi bibe nizanim. Dia dikim ku baran bibare."

Omer Aslan jî diyar kir ji ber tunebûna çêreyê heywan têr naxwazin û şîrê wan jî Kêm dibe.

Aslan destnîşan kir li benda baranê ne û got heger baran nebare em ê tengasiyeke mezin bibînin.

Prof. Dr. Mehmet Alî Çulluyê Hîndekarê Fakulteya Ziraetê ya Zanîngeha Heranê destnîşan kir hişkayî wê zirareke mezin bide cotkar û heywandaran û got heger di rojên pêş da baran bibare wê çêre şîn bibin.