Berdevk Keçelî der barê êrîşên Îsraîlê ya dijî çolwarê Şama Sûriyeyê da daxuyanî da

Berdevkê Wezareta Karên derva Oncu Keçelî der barê êrîşên Îsraîlê yên dijî bajaroka Beyt Cînê yê li çolwarê Şama paytextê Sûriyeyê da got ku "Divê demildest dawî li êrîşên Îsraîlê yên armanc dikin ku pêşî li hewldanên hikûmet û gelê Sûriyeyê yên ji bo li welêt avakirina ewlehî, refah û aştiya civakî divê bînin. Di vê mijarê da wezîfe dikeve ser milê hemû endamên civaka navneteweyî yên xwedî berpirsyarî."

Keçelî ji ser hesabê xwe yê çapemeniya civakî ya şirketa Xê ya ku navenda wê Amerîka ye parvekirineke der barê êrîşên Îsraîlê yên dijî bajaroka Beyt Cînê yê li çolwarê Şama paytextê Sûriyeyê da kir.

Berdevk Keçelî diyar kir ku di demeke ku salvegera 8ê kanûna paşîn e ku gelê Sûriyeyê wê çaxê gihaştibû azadiya xwe û di vê heyama ku civaka navneteweyî li ser mijara îstiqrara Sûriyeyê da wekî hev difikire da Îsraîl bi êrîşên xwe yên dijî ajaroka Beyt Cînê yê li çolwarê Şamê car din nîşan dide ku rojeveke rûxîner dişopîne.

Keçelî bal kişand digel ku ji Sûriyeyê bo Îsraîlê tehdîdek tuneye jî lîvdariya eskerî û operasyonên Îsraîlê desthilatdarî û yekîtiya axa Sûriyeyê îxlal dike û ji bo gelê sivîl û îstiqrara herêmê tehdîdek e û got ku "Divê demildest dawî li êrîşên Îsraîlê yên armanc dikin ku pêşî li hewldanên hikûmet û gelê Sûriyeyê yên ji bo li welêt avakirina ewlehî, refah û aştiya civakî divê bînin. Di vê mijarê da wezîfe dikeve ser milê hemû endamên civaka navneteweyî yên xwedî berpirsyarî."