"Dixwazin hişmendiya 28ê Sibatê bi destê CHPyê zindî bikin"

YOZGAT

Alîkarê Serokwezîr û Berdevkê Hikûmetê Bekir Bozdag: "Ev tê wê meneyê ku hişmendiya 28ê Sibatê bi destê CHPyê cardin tê zindîkirin. Gelê me wê destûrê nede."

Bozdag beriya serdana xwe ya li Walîtiya Yozgatê daxuyanî da rojnamevanan.

Alîkarê Serokwezîr Bekir Bozdag ji ber ku di beyannameya hilbijartinê ya CHPyê da tê destnîşankirin pergala perwerdeyê wê wekî '1+8+4' bê guherandin wiha got: "Ev tê wê meneyê ku hişmendiya 28ê Sibatê bi destê CHPyê cardin tê zindîkirin. Gelê me wê destûrê nede."

Bekir Bozdag destnîşan kir ku mixalif hewl didin ku hilbijartin bimîne tûra duyemîn û wiha axivî: "Serokomarê me Birêz Recep Tayyîp Erdogan dixwaze wekî serokomarê Tirkiyeyê bê hilbijartin. Ew dixwaze wekî serokomarê Tirkiyeyê bê hilbijartin, lê namzedên din di nav hev da ketine reqabetê. Ketine nav reqabeta tûra duyemîn. Derdekî wan yê wisa tuneye ku Tirkiyeyê îdare bikin, derd û hewla wan ew e ku hilbijartin bimîne tûra duyemîn."

Alîkarê Serokwezîr Bekir Bozdag der heqê daxuyaniyên Macronê Serokomarê Fransayê da ku li kovara Le Pointê ya dijî Tirkiyeyê sûcê nefretê kir derket wiha got: "Hilbijartinên li Tirkiyeyê bi endezyariya siyasî û bi hesabên din nayên manîpulekirin. Gelê Tirk ji Macron biaqiltir e û ji kesên ku hesabên endezyariyê dikin jî biaqiltir e."