Li Afyonkarahîsarê otobêsa rêwiyan wergeriya: miriyek û 20 birîndar

AFYONKARAHÎSAR

Li Afyonkarahîsarê otobêsa rêwiyan wergeriya û tê da kesek mir û 20 kes birîndar bûn.

Li gor agahiya ku hat hildan, otobêsa ku plaqa wê 07 MHG 22 ye, ya fîrmaya Pamukkaleyê ye û nasnameya şofêr hê nehatiye tesbîtkirin, di kîlomêtreya 35em a rêya Afyonkarahîsar û Antalyayê da wergeriya.

Di qezayê da li gor agahiyên ewilîn kesek mir û 20 kes birîndar bûn.

Piştî qezayê gelek ambulans, îtfaiye û ekîbên AFADê sewqî cihê bûyerê kirin.

Birîndar bi ambulansan rakirin nexweşxaneyên Afyonkarahîsarê.

Ji aliyekî din va çûyîn û hatina rê bi kontrolî dewam dike.