"Li gor min hinekan Adil Oksuz veşartiye"

ANKARA

Wezîrê Dadê Bekîr Bozdag der barê Adil Oksuzê ji serkêşên FETOyê ye da got: "Delîl didin nîşan ku Adil Oksuz di hewla derbeyê da roleke xwe ye sereke heye. Daneyên ku hatin bidestxistin, dide nîşan ku aktorekî giring e. Adil Oksuz yekî wisa nîne ku bikaribe xwe veşêre. Li gor min hinekan ew veşartiye. Ez qet pê bawer nînim ku Adil Oksuz bikaribe ji ciyê ku li ye xwe bilibitîne. Lê îlim polês û cendirmeyê tirk, hêzên me yên ewlekariyê dê digel alîkariya gelê me Adil Oksuz li kuna ku xwe lê vedişêre, bibîne û dê wî jî radestî darazê bike."

Bozdagê bû mêvanê Maseya Edîtorên Ajansa Anadoluyê (AA) rojev nirxand û herwiha bersiva da pirsên edîtor û nûçegihanan.

Wezîrê Dadê Bozdag ji bo qefaltina êrîşkarê Reînayê ragihand ku hemû îmkan hatin seferberkirin û wiha pê da çû: "Têkiliya DEAŞa rêxistina terorê ya bi vê çalakiyê ra eşkere ye. Jixwe hemû delîlên ku derketin holê jî DEAŞa rêxistina terorê nîşan didin. Me ji daneyên kamerayên dijîtal dest pê kir, hemû hûrgilî yeko yeko nirxand, da ser şopa terorîst û di dawiyê de hat qefaltin. Ev yek serkeftina mezin a teşkîlata polêsên me ye."

Ji xeberdana Bozdag hin sernavên ku derketin pêş ev in:

"Pergala Serokomariyê li gor şer û mercên xwe wê îstiqrara siyasî û îqtidareke xurt ava bike. Lewra encama hilbijartinê, kîjan hilbijartin dibe bila bibe, wê kesek bibe îqtidar, him jî îqtidareke bihêz ku rayeya îqtidarê ji gel distîne. Loma jî ji bo pêşeroja Tirkiyeyê ev zehf girîng e. Îro li Tirkiyeyê pirsgirêkên ku ji ber du îdareyan derdikevin tuneye, lê dema em li paşerojê dinihêrin ji ber îdareya duserî nîqaşên mezin derketin.

Ez bawer im wê ev di navbera 340 û 347an de dengan bistîne û ji tûra ewil derbas be, di tûra duyem de jî nebawer im tiştekî neyinî derkeve pêşiya me.

Ji bo 4 madeyên ewil ên destûra bingehîn teqez pêşniyaza guhertinê tune. CHP argumanên wekî '4 madeyên ewil tên guhertin' bi kar tîne; bi eşkereyî derewan dikin. Li nava çavê milet dinêrin û derewan dikin. Hikmên ku van madeyan biguherînin tunene, herwiha hikmên ku van madeyan qels bikin jî tunene."