"Li Iraqê otorîte ketiye destê rêveberiya navendî"

ÎSTANBUL

Serokwezîr Bînalî Yildirim der barê referandûma serxwebûna Herêma Kurdistana Iraqê de got: "Geşedanên li Iraqê rûdan di serî de Tirkiye, rêveberiya navendî ya Iraqê û bi helwesta bibiryar ya Îranê bidawî bû. Van dewletan û raya giştî ya cîhanê li hemberî vê referandûma xwedêgiravî helwest girtiye û otorîte li herêmê ketiye destê Rêveberiya Navendî ya Iraqê. Ev rewşeke cihê kêfxweşiyê ye."

Serokwezîr Yildirim beşdarên Lijneya Giştî ya Asambleya Parlamenterên Asyayê di firavînê de ezimandin û li vir axaftinek kir.

Yildirim rexne li NYê girt û wiha axivî:

"Heger li derekê însan bimirin û Neteweyên Yekbûyî çalak nebe, tenê însan namirin di heman demê da mirovahî jî dimire. Navend û xalên dewlemendiyê ji Rojava êdî ber bi Rojhilatê va dişiqitin. Vêca di vê liva dualî da derwaze Tirkiye ye, axa Anadoluyê ye."

Behsa seredana Serokomar Erdogan bo Rûsyayê jî kir û wiha domand:

"Birêz Serokomarê me, birêz Serokê Dewleta Rûsyayê Vladîmîr Putîn û birêz Serokomarê Îranê Hesen Ruhanî wê bên cem hev û rewşa dawîn a pêvajoya Astanayê binirxînin, ji vir jî ji bo qonaxa din Cenevreyê wê biryarên pêwîst bidin."

Li ser bûyerên Iraqê jî Yildirim wiha nirxandin kir:

"Geşedanên li Iraqê rûdan di serî de Tirkiye, rêveberiya navendî ya Iraqê û bi helwesta bibiryar ya Îranê bidawî bû. Van dewletan û raya giştî ya cîhanê li hemberî vê referandûma xwedêgiravî helwest girtiye û otorîte li herêmê ketiye destê Rêveberiya Navendî ya Iraqê. Ev rewşeke cihê kêfxweşiyê ye."