Li Mêrdînê SCSyan êrîşa li Dêrikê şermezar kirin

MÊRDÎN

Li Mêrdînê endamên hin saziyên civakî yên sivîl (SCS) ên ku hatin bal hev êrîşa terorê ya ser Qaymeqamtiya Dêrikê şermezar kirin.

Nûner û endamên saziyên civakî yên sivîl li Parka Karayollariyê ya Artukluya navçeya navend hatin bal hev û bi alayên di destê xwe de dirûşme berz kirin.

Piştî ku sekna rêzgirtinê hat kirin û Sirûda Neteweyî hat xwendin Nûnerê Bajêr ê Mêrdînê yê Turk Haber - Senê Şeyhmûs Kanat li ser navê komê daxuyaniya çapemeniyê da û got ku ji ber êrîşa xaîn gelekî xemgîn in.

Kanat diyar kir ku tu tişt ji berjewendiyên welêt û gel balatir nîne û wiha axivî: "Kesên ku ji axên Anadoluyê hatin qewirandin, ew kesên hêvî dikin ku dîsa van axan bi dest bixin vê heyamê wekî firsendekê dibînin. FETO û PKK û hemû rêxistinên terorê û xaîn derketine pêşberî me."

Kom piştî daxuyaniyê belav bû.

Endamên Komeleya Malbatên Şehîd û Xaziyan a Mêrdînê, Turk Haber-Sen, Teşkîlata Ciwaniyê ya Tirkiyeyê û Turk Egîtîm- Senê piştgirî dan daxuyaniyê.