Li Rojhilatê Anadoluyê germahî gihîşte 40 pileyî

ERZURUM

Li Herêma Rojhilatê Anadoluyê germahiya hewayê li gor demsalê zêde ye û tê texmînkirin ku îro li Tûncelî û Îdirê bigihîje 40 pileyî.

Di daxuyaniya Midûriyeta Herêma 12an a Meteorolojiyê da hat diyarkirin ku îro li herêmê hewa dê ewrsayî û sayî be.

Bi şev germahiya hewayê li Qersê 11, li Erdêxanê 13, li Agiriyê 14, li Erziromê 15, li Tûnceliyê 19, li Ezirganê 20 û li Îdirê 22 pile hat pîvandin.

Tê texmînkirin ku li herêmê bi roj germahiya hewayê qasî 5-7 pileyan ji germahiya demsalê zêdetir be.

Li gor texmînan dibe ku bi roj germahiya hewayê li Tûncelî û Îdirê 40, li Erzinganê 39, li Agiriyê 36, li Erzirom û Qersê 34, li Erdêxanê jî 30 pile be..

- Welatî di Gola Çildirê da hênik dibin

Welatiyên ku ji hewaya germ aciz dibin berê xwe dan Gola Çildirê ya di navbera Qers û Erdêxanê da ye.

Welatî ketin ava golê ku hênik bibin û hat dîtin ku ji ber germahiyê çivîk jî tengasiyan dikişînin.