Necmettîn Erbakan li Batmanê hat bibîranîn

BATMAN

Ji serokwezîrên berê Necmettîn Erbakan di salvegera 7emîn ya wefata xwe da li Batmanê hat bibîranîn.

Bernameya bîranînê ji hêla Şaxa Diyarbekirê ya Ciwanan a Partiya Saadetê li Salona Konferansê ya Midûriyeta Çandê ya Bajêr hat kirin û di bernameyê da Qur'ana Pîroz hat xwendin û dia hat kirin.

Alîkarê Serokê Partiya Saadetê yê Giştî Îlyas Tonguç got ku doza Erbakan tu carî nayê ji birkirîn û wiha axivî:

"Erbakan 20 salan geriya û bi gundiyan, karsazan û akademîsyenan re civîn kirin. Bi saya van civînan em îro jin, ciwan û hemû gel bûn malbatek. Tevgera Fikra Millî (Milli Goruş) bi tenê ne dozeke partîcîtiyê û siyasetê ye. Eger em wisa binihêrin wê hingê ev mesele nayê fehmkirin. Divê em meneya wê fehm bikin û ku em ji rêyên çawa hatinê vê derê û hedefên me çi bûn em bibînin û ji bîr nekin. Ev têkoşîn sanahî nîne û sanahî jî nabe. Em vê baş dizanin. Lê bi saya îmana ku dilê miletê me, em ê bi îzna Xwedê ji bo Xwedê vê têkoşînê bidomînin. Hindî ev milet heye tevgera Fikra Millî jî wê her dem hebe û tu kes nikara vî welatî parçe bike."