Serdozgerê Erebistana Siûdî el-Macîb ji konsolosxaneyê derket

ÎSTANBUL

Serdozgerê Erebistana Siûdî Suud el-Macîbê ku di çarçoveya lêpirsîna li ser kuştina rojnameger Cemal Kaşikçi da ketibû Serkonsolosxaneya Stenbolê ya Erebistana Siûdî, jê derket.

Macîb piştî ku li Çaglayanê di Seraya Edaletê ya Stenbolê da bi Serdozgerê Komarê yê Stenbolê ra hevdîtin kir, bi heyeta xwe ra di saet 12.05ê da derbasî avahiya serkonsolosxaneya Erebistana Siûdî ya li Leventê bû û nêzî saet û nîvekê tê da ma.

Serdozgerê Erebistana Siûdî paşê ji konsolosxaneyê derket.

Serdozger Suud el-Macîb duh bi Serdozgerê Komarê yê Stenbolê Îrfan Fîdan ra li edliyeyê hevdîtin kir, îro jî dîsa çûbû edliyeyê û nêzî saetekê bi Fîdan ra rûnişt.