Maratona Stenbolê ya 46emîn qediya

Werzişvanê Etîyopyayî Dejene Debela di kategoriya mêran a bijarte ya Maratona Stenbolê ya 46emîn da bû yekemîn.

Maratona Stenbolê ya 46emîn ji aliyê Spor Stenbolê û sponsoriya Bankaya Kar a Tirkiyeyê (Turkiye Îş Bankasi) va hat lidarxistin.

Maratona ku unvana "Maratona tekane ya di navbera parzemînan da ya dinyayê" hildaye û di kategoriya "Etîketa Zêrîn" a Yekîtiya Atletîzmê ya Dinyayê da cih digire li aliyê Anadoluyê dest pê kir û di aliyê Ewropayê qediya.

Di maratona 42 kîlomêtroyî da Dejene Debela yê ji Etîyopyayê di kategoriya mêran a bijarte da bi ser ket. Debela bi 2 saet û 11 deqîqe û 40 saniyeyan va pêşbirk temam kir.

Werzişvanê Kenyayî Matthew Samperu jî bi 2 saet û 11 deqîqe û 55 saniyeyan va bû duyemîn.

Werzişvanê Kenyayî Kenneth Kiprop Kipkemoi, jî bi 2 saet û 12 deqîqe û 07 saniyeyan va bû sêyemîn.

- Di kategoriya jinan da Ruth Jebet bû yekemîn

Di kategoriya jinên bijarte da Ruth Jebet ya ji Bahreynê bû yekemîn ku ew bi 2 saet û 24 deqîqe û 45 saniyeyan va bi ser ket.

Erge Dîroya ji Etîyopyayê bi 2 saet û 33 deqîqe û 37 saniyeyan va bû duyemîn, Ayantu Abdî jî bi 2 saet û 33 deqîqe û 49 saniyeyan va bû sêyemîn.

Werzişvanê neteweyî Huseyîn Can jî di maratonê da bû şeşemîn.