Li Brukselê xwepêşandana PKKê

BRUKSEL

Alîgirên PKKya rêxistina terorê li Bruksela Belçîkayê xwepêşandan kirin.

Ji meqamên Belçîkayê destûr hat sitandin û xwepêşandan wisa hat kirin. Ji bo xwepêşandanê ji gelek welatên Ewropayê bi mirovan alîgirên rêxistina terorê anîn û alîgir ji Îstasyona Trênan a Bakur heta Qada Schumanê ya li ber avahiyên Konseya YEyê û Komîsyona YEyê ya li Brukselê meşiyan.

Polêsên Belçîkayê midaxaleyê paçikên ku sembola PKKê ne nekir û li gor çapemeniya herêmî ya Belçîkayê beşdariya xwepêşandana li Schumanê bi qasî ku dihat payîn tunebû. Çapemeniya herêmî nivîsand dihat payîn ku 10 hezar kes beşdar bibe lê belê 2 hezar kes beşdar bûn.

Di dema xwepêşandanê de wêneyên Abdullah Ocalanê serokê PKKê û paçikên sembola rêxistina terorê di destê xwepêşandêran de bûn.

Parlementerê Şirnexê yê HDPê Faysal Sariyildiz û Parlementera Wanê ya HDPê Tugba Hezer Ozturka ji bo ku di lêpirsînên terorê yên ku tên kirin de ji bo îfadedayînê neçûn der heqê wan de biryara binçavkirinê hat derxistin û Remzî Kartalê ji serokên Ewropayê yên qaşo yên PKKê û yê ku der heqê wî de bi bultena sor biryara girtinê heye beşdarî xwepêşandanê bûn.

Tirkiye di serî de Almanya û Belçîka welatên Ewropayê sûcdar dike ku têrî xwe dijî terorê têkoşîn nadin.

Serokomar Erdogan di daxuyaniya xwe ya duh de gotibû ku "Belçîka niha navendeke girîng a vê karê ye. Ne tenê ji bo PKK ji bo FETO jî navendeke girîng e. Ev qas bûyerên girîng diqewimin, wir agir bi mizgeftên me dixin tu kes hesasiyet nîşan nade."