29یه‌مین هه‌فته‌ی پێشبڕكێی نێوده‌وڵه‌تیی مارماریس

موغڵا - AA

(29یه‌مین هه‌فته‌ی پێشبڕكێی نێوده‌وڵه‌تی) كه‌ له‌ شارۆچكه‌ی مارماریسی موغڵا به‌ڕێوه‌چوو، كۆتاییهات.

پێشبڕكێكان كه‌ له‌لایه‌ن یانه‌ی یاختی نێوده‌وڵه‌تیی مارماریس-ه‌وه‌ له‌ گه‌رووی مارماریس و كه‌ناراوه‌كانیدا به‌ڕێوه‌برا، 118 یاخت و هه‌زار و 100 په‌ره‌شووته‌وان له‌ 12 وڵاته‌وه‌ به‌شداربوون تێیدا.

سه‌رۆكی یانه‌كه‌ ئیحسان كایاجی له‌لێدوانێكیدا بۆ ئانادۆڵو رایگه‌یاند، له‌كۆی هه‌شت یاری كه‌ پلانیان بۆ داناوه‌، حه‌وتیان ئه‌نجامداوه‌ و له‌كه‌شێكی دۆستانه‌دا پێشبڕكێكان به‌ڕێوه‌چووه‌.

كایاجی رایگه‌یاند ساڵی ئاینده‌ 30یه‌مینی ئه‌م پێشبڕكێیه‌ به‌ڕێوه‌ده‌به‌ن و چاوه‌ڕوانن په‌ره‌شووته‌وانی زیاتر به‌شداربن تێیدا.

به‌ دوو گرووپی جیاجیا و 10 پۆل له‌ماوه‌ی پێنج رۆژدا پێشبڕكێكان به‌ڕێوه‌چوون و له‌لایه‌ن لیژنه‌ی ناوبژیوانانه‌وه‌ براوه‌كان ده‌ستنیشان كران.

په‌ره‌شووته‌وانه‌كان دیمه‌نێكی ره‌نگاوڕه‌نگیان له‌ كه‌ناراوه‌كان و ئاسمانی مارماریس دروستكرد و دوای پێشبڕكێكان له‌ رێوڕه‌سمێكدا براوه‌كان خه‌ڵاتكران.

ناوی یاخت و وڵاتی براوه‌ی پێشبڕكێكان به‌پێی ریزبه‌ندییه‌كه‌یان به‌م جۆره‌یه‌.

- CC1 بریستا - پاڤێل ساڤێنكۆ / رووسیا

- CC2 لۆرێلی - كیریل یاسینۆڤسكی / رووسیا

- CC3 پاپیروس - ئۆڵێگ سمیمۆڤ / رووسیا

- CC4 بای دێنیز - هیلگی باوێر / ئه‌ڵمانیا

- CP1 گرێی گووس - یارۆسلاڤ ساخاروتا / ئۆكراینا

- IRC0 سوتڵاچ - مه‌حمود سارال / توركیا

- IRC1 گۆبلین3 - ئێرهان كاراجا / توركیا

- IRC2 فیتی-فیفتی - جه‌نك تێككایا / توركیا