بوونی ته‌مێكی چڕ له‌ گه‌رووی ئیستانبوڵ

ئیستانبوڵ - AA

به‌هۆی ته‌مێكی چڕه‌وه‌ كه‌ له‌ كاته‌كانی به‌یانییه‌وه‌ له‌ گه‌رووی ئیستانبوڵ ده‌ستی پێ كردووه‌، مه‌ودای بینین دابه‌زیوه‌.

له‌به‌ر ئه‌و ته‌مه‌ چڕه‌ی ناوچه‌كه‌ی گرتووه‌ته‌وه‌، تیمه‌كانی ئاسایشی كه‌نارده‌ریا یاوه‌ری ئه‌و كه‌شتییانه‌یان ده‌كرد كه‌ به‌ گه‌رووه‌كه‌دا تیده‌په‌ڕین.

له‌ كاتێكدا تیمه‌كان یاوه‌ری كه‌شتییه‌كانیان ده‌كرد، بۆ ئه‌وه‌ی دۆخێكی نه‌خوازراو روونه‌دات ناو به‌ ناو هۆشداریان ده‌دا به‌ كه‌شتییه‌كانی راوه‌ ماسی كه‌ له‌ ناوچه‌كه‌دا سه‌رقاڵی كار بوون.