تورکیا.. ئۆپەراسیۆن بۆ سەر داعش

چانکری - AA

لە پارێزگای چانکریی تورکیا لە ئەنجامی ئۆپەراسیۆنێکدا بۆ سەر رێکخراوی تیرۆریستیی داعش، ١٥ گومانلێکراو دەستگیرکران.

تیمەکانی هۆبەی بەرەنگاربوونەوەی تیرۆر لە بەڕێوەبەرایەتی ئاسایشی پارێزگاکە، ئۆپەراسیۆنێکی هاوکاتیان بۆ سەر ژمارەیەک ناونیشان ئەنجامدا.

لە ئۆپەراسیۆنەکەدا، ١٥ کەسی بە رەگەز عێراقی بە تۆمەتی ئەندامێتیی لە رێکخراوی تیرۆریستیی داعشدا، دەستگیرکران.

دوای ئەوەش کە پشکنینی تەندروستی بۆ گومانلێکراوەکان ئەنجامدراوە، بە مەبەستی لێکۆڵینەوە لەگەڵیاندا رەوانەی بەڕێوەبەرایەتی ئاسایش کراون.