دیاربه‌كر.. ئۆتۆمبێلێكی پۆلیس كرایه‌ ئامانج

له‌ ناوچه‌ی دیجله‌ی سەربە پارێزگای دیاربه‌كر، چه‌كدارانی په‌كه‌كه‌ بە ئۆتۆمبێلێكی بۆمبڕێژكراو ئۆتۆمبێلێكی پۆلیسیان كرده‌ ئامانج و له‌ئاکامدا شەش كه‌سی سڤیل و دوو پۆلیس بریندار بوون.

به‌پێی ئه‌و زانیارییانه‌ی وه‌رگیراون، چه‌كدارانی په‌كه‌كه‌ ئۆتۆمبێلێكی پۆلیسیان بە ئۆتۆمبێلێكی بۆمبڕێژكراو له‌ گه‌ڕه‌كی 27ی ئایار كردووه‌ته‌ ئامانج.

به‌پێی زانیارییه‌ بەراییەكان له‌ئاکامی په‌لاماره‌كه‌دا شەش كه‌سی سڤیل و دوو پۆلیس بریندار بوون.

برینداره‌كان ده‌ستبه‌جێ گه‌یه‌نرانه‌ نه‌خۆشخانه‌ی دیجله‌.

جگه‌ له‌ زیانی گیانی، رێگا و ماڵه‌كانی شوێنی ته‌قینه‌وه‌كه‌ش زیانیان به‌ركه‌وتووه‌.