دیاربەکر.. ئۆپەراسیۆنی بنبڕکردنی مادەی هۆشبەر

دیاربەکر- AA

لەئاکامی ئۆپەراسیۆنێک لە قەزای کۆجاکۆی سەربە پارێزگای دیاربەکر، دەست بەسەر ٣٠٦ کیلۆگرام حەشیشەدا گیرا.

بەپێی راگەیەنراوی پارێزگای دیاربەکر، تیمەکانی فەرماندەیی جەندرمەی قەزای کۆجاکۆی و بەڕێوەبەرایەتی هۆبەی هەواڵگری لە فەرماندەیی جەندرمەی پارێزگا بەمەبەستی دەستگیرکردنی ئەو کەسانەی قاچاخچێتی بە مادەی هۆشبەر لە قەزاکە دەکەن و دەستبەسەرداگرتنی بەڵگەکانی تاوان دەستیان کردووە بە پشکنین.

راشیگەیاندووە کە ئەو پشکنینە لە کێڵگەیەکی گومانلێکراو لە گوندی گۆزەباشی سەربە قەزای کۆجاکۆی ئەنجامدراوە و، بڕی ٣٠٦ کیلۆگرام حەشیشەی وشککراوە و شاردراوە دەستی بەسەردا گیرا و کەسێکیش دەستگیرکرا.

راگەیەنراوەکە جەختی لەسەر ئەوەش کردووەتەوە کە بەمەبەستی پاراستنی ئاسایش و ئاسوودەیی هاووڵاتییان لەمیانی بنبڕکردنی مادە هۆشبەرەکان، بێوچان بەردەوام دەبن لە کاروچالاکییەکانیان.