رووداوێكی هاتوچۆ له‌ ئه‌رزه‌ڕۆم ١٥ قوربانی لێكه‌وته‌وه‌

ئه‌رزه‌ڕۆم - AA

له‌ شارۆچكه‌ی چات سه‌ر به‌ پارێزگای ئه‌رزه‌ڕۆم له‌ ئه‌نجامی پێكدادانی مینی پاسێك و ئۆتۆمبیلێكدا، پێنج كه‌س كه‌ یه‌كێكیان منداڵه‌ گیانیان له‌ده‌ستدا و ١٠ی دیكه‌ش برینداربوون.

به‌پێی ئه‌و زانیارییانه‌ی ده‌ستكه‌وتوون، له‌سه‌ر رێگه‌ی سه‌ره‌كی ئه‌رزه‌ڕۆم-بینگۆل، مینی پاسێك و ئۆتۆمبیلێك به‌یه‌كیاندا داوه‌.

له‌دوای رووداوه‌كه‌ش تیمه‌كانی ئافاد، فریاگوزاریی خێرا، جه‌ندرمه‌ و شاره‌وانی گه‌یشتوونه‌ته‌ ناوچه‌كه‌.

پێنج كه‌س له‌ سه‌رنشینانی ئۆتۆمبیله‌كان كه‌ یه‌كێكیان منداڵه‌ گیانیان له‌ده‌ستداوه‌ و ١٠ی دیكه‌ برینداربوون. برینداره‌كان بۆ نه‌خۆشخانه‌كان گوازرانه‌وه‌.