سەرکۆمار ئەردۆغان بەرەو پارێزگای عەنتاب بەڕێکەوت

ئەنقەرە-AA

سەرکۆماری تورکیا، رەجەب تەیب ئەردۆغان بەمەبەستی بەسەرکردنەوەی ناوچە کارەساتبارەکانی ئەو بوومەلەرزە بەهێزانەی قەزاکانی ئەلبیستان و پازارجکی گرتەوە، سەردانی پارێزگای عەنتاب دەکات.

ئەردۆغان دوای ئەوەی دوێنێ زانیاری لەسەر کارەکانی دوای بوومەلەرزەکە لە مەڕەش و قەزای پازارجک، هاتای و قەزای ئیسکەندەرون و ئادانا پێگەیشت، لێقەوماوانی بەسەرکردەوە.

هاوکات ئەمڕۆش بۆ ئەوەی لە نزیکەوە ناوچە کارەساتبارەکان بەسەر بکاتەوە لە فڕۆکەخانەی ئەسەنبۆغاوە بە فڕۆکە بەرەو عەنتاب بەڕێکەوت.

هەروەها بڕیارە ئەردۆغان دواتر سەردانی پارێزگاکانی کلیس و عوسمانییە بکات و ناوچە کارەساتبارەکانی ئەو پارێزگایانەش بەسەر بکاتەوە.