مێرسین.. کۆنترۆڵکردنی ئەو ئاگرەی کە دارستانەکانی ناوچەکەی گرتبووەوە

مێرسین - AA

ئەو ئاگرەی سێ رۆژ پێش ئێستا لە دارستانەکانی شارۆچکەی سیلیفکە سەربە پارێزگای مێرسین کەوتەوە و تەشەنەی سەند بۆ شارۆچکەی گوڵنار، کۆنترۆڵ کرا.

ئاگری دارستانەکانی شارۆچکەکە کە بەیانی ٢٩ی تەمووز کەوتەوە، دوێنێ بەهۆی توندەبای بەهێزەوە تەشەنەی سەند بۆ سنووری ناوچەی دەدەلەر سەربە قەزای گوڵنار و بە درێژایی شەوی رابردوو، بەردەوام بوو.

بەهۆی بڵاوبوونەوەی ئاگرەکە بە ناوچەکەدا، تیمی زیاتری ئاگرکوژێنەوە رەوانەی ناوچەکە کران و دوای هەوڵێکی زۆر، تیمەکان توانیان ئاگرەکە کۆنترۆڵ بکەن.

لەئێستادا کارەکانی ساردکردنەوە لە ناوچەکەدا درێژەی هەیە.