هێرشی فڕۆکەکانی تورکیا بۆسەر پەکەکە

فڕۆکە جەنگییەکانی سوپای تورکیا لە دەورووبەری شارۆچکەی چوکورجە، ٤ ئامانج و لە دەورووبەری شارۆچکەی تەندورەک، ٦ ئامانجی پەکەکە-یان بۆردومان کرد.

بە گوێرەی ئەو زانیارییانەی لە سەرۆکایەتی ئەرکانی سوپای تورکیا وەرگیراون، شەوی رابردوو لە کاتژمێر ٢٠:٤٢ تا کاتژمێر ٢١:٠٧ خولەک فڕۆکەکانی جەنگی سوپای تورکیا بۆردومانی ناوچەکانی دەورووبەری چوکورجەیان کرد وتوانیان بە سەرکەوتوویی چوار ئامانج لەناو ببەن.

دواتر لە کاتژمێر ٠٠:٠٨ تا کاتژمێر ٠٠:٢٧ بەهەمان شێوە بۆردومانی ناوچەکانی دەورووبەری تەندورەک کرا و توانرا بە سەرکەوتوویی شەش ئامانج لەناو ببرێت.