هەکاری.. دوو سەرباز گیانیان لەدەستدا

لە ئاکامی شەڕ و پێکدادانی نێوان هێزەکانی سوپای تورکیا و چەکدارانی پەکەکە لە سنووری پارێزگای هەکاری، دوو سەرباز گیانیان لەدەستدا و چواری دیکەش بریندار بوون.

بە گوێرەی ئەو زانیارییانەی لە سەرچاوەکانی ئەمنی وەرگیراون لە میانی ئۆپەراسیۆنێک لە دەورووبەری گوندی ئاغاچدیبی سەربە پارێزگای هەکاری پێکدادان لە نێوان هێزەکانی سوپا و چەکدارانی رێکخراوی تیرۆریستی پەکەکە روویدا.

لە شەڕ و پێکدادانەکە دوو سەرباز گیانیان لەدەست دا و چواری دیکەش بریندار بوون.

لە بەرامبەردا چوار چەکداری پەکەکە کوژران.

لە ئێستاشدا ئۆپەراسیۆنەکان بە پاڵپشیی فڕۆکەکانی جەنگی بەردەوامە.