وەزیری تەندروستیی تورکیا: ''تیمەکانمان لە ماڵاتیا چالاکن''

ئەنقەرە - AA

وەزیری تەندروستیی تورکیا، فەخرەددین کۆجا رایگەیاند کە تیمەکانی بەهاناوەچوونی بەپەلە و تەندروستیی لە ماڵاتیا کە تیایدا بوومەلەرزەیەک بەگوڕی ٥،٦ پلە روویداوە سەرقاڵی کارەکانیانن.

فەخرەددین کۆجا لە بڵاوکراوەیەکیدا کە لە هەژماری خۆی لە تۆڕی کۆمەلایەتیی بڵاوی کردووەتەوە، ئەوەی وەبیرهێنایەوە کە کاتژمێر ١٢:٠٤ی ئەمڕۆ، بوومەلەرزەیەک بەگوڕی ٥،٦ پلە لە قەزای یەشیلیورت سەربە پارێزگای ماڵاتیا روویداوە.

کۆجا باسی لەوە کرد کە لە پەیوەندیدان لەگەڵ تیمەکانیان لە ناوچەکەدا و رایگەیاند: ''تیمەکانی بەهاناوەچوونی بەپەلە و تەندروستیی لە ماڵاتیا کە تیایدا بوومەلەرزەیەک بەگوڕی ٥،٦ پلە روویداوە سەرقاڵی کارەکانیانن''.