په‌لاماره‌كه‌ی فڕۆكه‌خانه‌ی ئه‌تاتورك

ته‌رمی ئه‌و 43 كه‌سه‌ی په‌لاماره‌كه‌ی فڕۆكه‌خانه‌ی ئه‌تاتورك کە گیانیان له‌ده‌ست داوە، راده‌ستی كه‌سوكاریان كرانه‌وه‌.

به‌پێی ئه‌و زانیارییانه‌ی ده‌ست ئه‌نادۆڵو كه‌وتووه‌، كاری توێكاریی ته‌رمه‌كان له‌ دامه‌زراوه‌ی پزیشكی دادوه‌ریی ئیستانبوڵ كۆتایی هاتووه‌ و ته‌رمه‌كان له‌لایه‌ن كه‌سوكاریانه‌وه‌ وه‌رگیراونه‌ته‌وه‌. ته‌رمی قوربانییه‌ بیانییه‌كانیش به‌مه‌به‌ستی ناردنه‌وه‌یان بۆ وڵاته‌كانیان راده‌ستی لایه‌نه‌ په‌یوه‌ندیداره‌كان كراونه‌ته‌وه‌.
هەروەها لە کۆتاییدا راگه‌یه‌نرا كه‌ توێكاریی ته‌رمی خۆكوژه‌كانیش كۆتایی هاتووه‌.