پەرلەمانتاری هەدەپە باشاران ئازاد کرا

دوای کردنەوەی دۆسیە لەسەر پەرلەمانتاری هەدەپە ئایشە ئاجار باشاران لەلایەن دادگای سزا قورسەکانی باتمان بە تۆمەتی "ئەندامبوون لە رێکخراوی تیرۆریستی" بڕیاری بە زۆرەملێ بردنە بەردەم دادگای بۆ دەرکرد، پۆلیسیش ناوبراویان بە زۆر بردە دانیشتنی دادگای سزا قورسەکانی ئەنقەرە.

لە دانیشتنەکەی دادگادا بەرگرینامەکەی باشاران کە چوار لاپەڕە بوو وەرگیرا و دوای وەرگرتنی بەرگرینامەکە، ناوبراو ئازاد کرا.

جگە لە بەشداریکردنی پارێزەرانی باشاران، ژمارەیەک پەرلەمانتاری هەدەپەش ئامادەی دانیشتنەکەی دادگا بوون.