ڕێکخراوی تیرۆریستیی پەکەکە ئاگری بەردایە گوندی دەرگەلێ لە باکووری عێراق

ئەنقەرە - AA

وەزارەتی بەرگریی تورکیا بڵاویکردەوە کە ئەندامانی ڕێکخراوی تیرۆریستیی پەکەکە کۆگاکانی تەقەمەنیان لە گوندەکانی دەرگەلێ و میسکا لە باکووری عێراق تەقاندەوە و، گوندی دەرگەلەیان بە تەواوی سووتاند.

لە ڕاگەیاندراوەکدا کە لەلایەن وەزارەتەکەوە بڵاوکراوەتەوە، ئاماژە بەوە کراوە تیرۆریستان کە چوونەتە گوندەکانی باکووری عێراق، خەڵکەکەی وەک قەڵغانی بەکاردەهێنن و تەقە لە یەکەکانی سوپای تورکیا دەکەن، بۆ ئەوەی شوێنەکانیان دەرنەکەوێت و ئاشکرا نەبن دەستیان کردووە بە سووتاندنی دارستانەکان.

هەروەها لە ڕاگەیاندراوەکەدا جەخت لەسەر ئەوە کراوەتەوە کە تیرۆریستانی پەکەکە شوێن نەماوە بۆی هەڵبێن و هاتووە: "تیرۆریستانی پەکەکە ئێستاش کۆگاکانی تەقەمەنیان لە گوندەکانی دەرگەلێ و میسکا تەقاندەوە. تیرۆریستان کە گوێ بە ژیانی گوندنشینان نادەن کۆگاکانی تەقەمەنیان لە گوندەکەدا تەقاندەوە، گوندی دەرگەلەشیان بە تەواوی سووتاند. سوپای تورکیا بۆ ئەوەی زیان بە هاووڵاتیانی مەدەنی بێتاوان، ژینگە و سروشت نەگات بە وریاییەوە بەردەوامە لەسەر ئۆپەرراسیۆنەکان. تیرۆریستان هەرچییەک بکەن ڕزگاریان نابێت لەو کۆتاییەی چاوەڕوانیانە".

لە ڕاگەیاندراوەکەدا دیمەنی سووتاندنی کۆگاکانی تەقەمەنی لەلایەن ئەندامانی ڕێکخراوی تیرۆریستیی پەکەکەوە لە گوندەکان بڵاوکراوەتەوە.