ئەنقەرە - AA
یهكهم كۆبوونهوهی شوورای باڵای سهربازیی توركیا له سیستمی سهرۆكایهتیدا، کە بهسهرۆكایهتی سهركۆمار، رهجهب تهیب ئهردۆغان له كۆشكی سهرۆكایهتیی كۆمار ئەنجامدرا، کۆتاییهات.
لە کۆبوونەوەکەدا کە بە شێوەیەکی داخراو بە سەرۆکایەتی ئەردۆغان بەڕێوەچوو، هەریەک لە جێگری سەرکۆماری تورکیا، فوئاد ئۆکتای و وەزیری بەرگریی، خولوسی ئاکار و وەزیری داد، عەبدولحەمید گول و وەزیری ناوخۆ، سولەیمان سۆیڵو و وەزیری گەنجینە و دارایی، بەرات ئاڵبایراک و وەزیری پەروەردە، زیا سەلجوق و سەرۆک ئەرکانی سوپا، جەنەراڵ یاشار گولەر و فەرماندەی هێزە وشکانییەکان، جەنەراڵ ئومیت دوندار و فەرماندەی هێزە ئاسمانییەکان، جەنەراڵ حەسەن کوچوکیوز و فەرماندەی هێزە دەریاییەکان، ئەدمیراڵ عەدنان ئۆزبال بەشداریی دەکەن.
گوتەبێژی سەرۆکایەتی کۆماری تورکیا ئیبراھیم کاڵن دوای تەواوبوونی یهكهم كۆبوونهوهی شوورای باڵای سهربازیی توركیا له سیستمی سهرۆكایهتیدا، کە بهسهرۆكایهتی سهركۆمار، رهجهب تهیب ئهردۆغان له كۆشكی سهرۆكایهتیی كۆمار ئەنجامدرا، کۆنگرەیەکی رۆژنامەوانی سازکرد.
ناوبراو گوتی: "هەریەک لە فەرماندەی هێزەکانی دەریاوانی عەدنان ئۆزبال و فەرماندەی دووەمی زەمینی مەتین تەمەل پلەیان بەرزکرایەوە ".
کاڵن لە درێژەدا گوتی: "٩ ژەنەڕال و ئەمیراڵ پلەیان بەرزکرایەوە و ٤١ ئەفسەریش پلەیان بۆ ژەنەڕال و ئامیراڵ بەرزکرایەوە".
گوتەبێژی سەرۆکایەتی کۆماری تورکیا زیاتر باسی لە وردەکارییەکانی کۆبوونەوەکە کردو گوتی: "١٣ ژەنەراڵ وادەیان بۆ یەک ساڵ، ٣٨٣ ئەفسەریش وادەی ئەركيان بۆ دوو ساڵ درێژکرایەوە".
کاڵن ژمارەی ئەو ژەنەراڵ و ئامیراڵانەشی ئاشکرا کرد کە خانەنشین کراون وگوتی : "١٢ ژەنەراڵ و ئامیراڵ خانەنشینکران. کۆی ژمارەی ژەنەراڵ و ئامیراڵ لە ٢١٥ەوە بۆ ٢٤٤ بەرزبووەوە".
