یەکەم کاروانی گەشتیارانی رووسیا گەیشتە ئانتالیا

ئانتالیا - AA

دوای دوو مانگ لە سنووردارکردنی گەشتی ئاسمانیی لەلایەن رووسیاوە، ئەمڕۆ یەکەم کاروانی گەشتیاریی رووسیا گەیشتە شاری ئانتالیا کە بە پایتەختی گەشتیاری ناسراوە.

سنووردارکردنی گەشتە ئاسمانییەکانی نێوان تورکیا و رووسیا کە بەهۆی پەتای ڤایرۆسی کۆرۆنای نوێ لەلایەن رووسیاوە لە ١٥ی نیساندا دەستی پێ کرد لە ٢٢ی حوزەیرانەوە کۆتایی هات و دوای دوو مانگ سەرلەنوێ گەشتیارانی رووسیا گەیشتنە تورکیا و شاری ئانتالیا.

فڕۆکەی سەربە هێڵی ئاسمانی تورکیا کە لە فڕۆکەخانەی ڤنوکۆڤا لە مۆسکۆی پایتەخت دەستی بە گەشتەکەی کرد، کاتژمێر ٠٥:٤٠ بە ١٣٢ گەشتیارەوە لە فڕۆکەخانەی ئانتالیا نیشتەوە.

گەشتیاران لە دوای دابەزینیان لە فڕۆکەکە بە بەردەم ئامێری پێوانەکردنی پلەکانی گەرمی لەشدا تێپەڕین و چوونە فڕۆکەخانەکەوە و لە دوای کارەکانی پاسپۆرت لە چوارچێوەی رێوشوێنەکانی پەتاکە بەرەو هۆتێلەکانیان بەڕێکەوتن.

چاوەڕوان دەکرێت لەمڕۆدا، زیاتر لە ١٢ هەزار گەشتیار بە ٤٤ فڕۆکە لە رووسیاوە بگەنە ئانتالیا.