لە هەرێمی کوردستان ٢٥٩ تووشبووی نوێی دیکە به ڤایرۆسی كۆرۆنا تۆمار کرا

هەولێر - AA

وەزارەتی تەندروستیی هەرێمی کوردستان بڵاوی کردەوە کە، "له ٢٤ كاتژمێری رابردوودا، ١٤ كه‌س به‌هۆی ڤایرۆسی كۆرۆناوە گیانیان له‌ده‌ستداوه‌".

وەزارەتی تەندروستیی هەرێمی کوردستان ئاماری‌ ٢٤ كاتژمێری رابردووی پەتای ڤایرۆسی کۆرۆنای لە هەرێمی کوردستان بڵاو کردەوە.

بە پێی ئەو ئامارانە، لە ٢٤ کاتژمێری رابردوودا ٢٥٩ کەس تووشی ڤایرۆسی کۆرۆنا بوون و هاوکات ١٤ كه‌سیش به‌هۆیەوە گیانیان له‌ده‌ستداوه‌.

وەزارەتی تەندروستیی هەرێمی کوردستان راشیگەیاندووە کە، "له‌ ٢٤ كاتژمێری رابردوودا، ٣٨٥ کەس لە ڤایرۆسی کۆرۆنا چاکبوونەتەوە‌".

بە پێی ئەو ئامارانە، "کۆی گشتی تووشبووان بە ڤایرۆسی کۆرۆنا گەیشتە ٩٥ هەزار و ٨٩٧ کەس و هەروەها تا ئێستا سێ هەزار و ١١٨ کەس بەهۆی ڤایرۆسەکەوە گیانیان لەدەستداوە".

وەزارەتی تەندروستیی هەرێمی کوردستان راشیگەیاندووە کە لە کۆی ژمارەی تووشبووان، "تا ئێستا ٥٩ هەزار و ٦٢٦ کەس لە ڤایرۆسی کۆرۆنا چاکبوونەتەوە".