ئێران.. کوژرانی پاسەوانێکی سنوور

ئەنقەرە - AA

لە ئاکامی شەڕ و پێکدادانی نێوان ھێزەکانی پاسەوانی سنووری ئێران و ژمارەیەک چەکدار لە پارێزگای سێستان و بەلۆچستان باشووری رۆژهەڵاتی ئێران، پاسەوانێکی سنوور کوژرا.

کەناڵی تەلەڤیزیۆنی فەرمی ئێران بڵاویکردەوە، شەڕ و پێکدادانەکە شەوی رابردوو لە گوندەوارەی شاری سیراوان سەر بە پارێزگای سێستان و بەلۆچستان نزیک بە سنووری پاکستان، روویداوە.

تەلەڤیزیۆنی فەرمی ئێران هیچ زانیارییەکی دیکەی لەبارەی رووبەڕووبوونەوەکە نەخستووەتەڕوو.

لە میانی هەفتەی رابردوودا، رووبەڕووبوونەوە لە نێوان هێزەکانی پاسەوانی سنووری ئێران و ژمارەیەک چەکدار روویدا و لە ئاکامدا سێ پاسەوانی سنووری ئێرانی کوژران.