ئەمریکا و بەریتانیا زنجیرەیەک ھێرشی ئاسمانییان کردە سەر باکووری یەمەن

یەمەن ــ AA

حووسییەکان ڕایانگەیاند کە ھێزەکانی ئەمریکا و بەریتانیا، پێنج ھێرشی ئاسمانییان بۆسەر پارێزگای سەعدە باکووری یەمەن ئەنجامداوە.

کەناڵی مەسیرە سەربە حووسییەکان بڵاوی کردەوە کە ھێزەکانی ئەمریکا و بەریتانیا پێنج ھێرشی ئاسمانییان کردووەتە سەر پارێزگای سەعدە و لە میانیدا ناوچەی تەخییە باکووری پارێزگاکەیان بۆردومان کردووە.

تا ئێستا زیانەکانی ئەو ھێرشانەی ئەمریکا و بەریتانیا بۆسەر پارێزگای سەعدە، نەزاندراوە.

شاری سەعدە کە لە باکووری ڕۆژئاوای یەمەن ھاوسنوورە لەگەڵ سعوودیە، بە پێگەی سەرەکی حووسییەکان دادەندرێت.

ھەروەھا تا ئێستا ئەمریکا و بەریتانیا، ھیچ ڕاگەیاندراوێکیان لەوبارەیەوە بڵاونەکردووەتەوە.